攝：Alex Leung
唔考究佢地係鬼係人，客觀事實就係講支那比左張靚牌政府同建制入，梁振英民望淨值加左0.8%，但民主進程無前進過，只有一大堆負評。
我同你點睇唔代表咩，政治係普遍人點睇，大家可以搵家人同事朋友了解下。一講到民族情緒既野，tvb 加黨媒神助攻之下，不能否認既事實係佢地處理宣誓同態度太差。
記得上一次民陣遊行，青政同熱血唔同意遊行但唔跟民陣安排強行霸晒啲靚位籌錢，其他組織只能包容。梁天琦被dq時，青政自拍笑泛民舉牌抗議。
今日到青政面臨被dq，我唔係要落井下石，亦唔係要笑佢地舉牌遊行甘膠。而係想話比班只知網上自high同ff既人知，你睇慣英超，覺得南華對傑志啲波甘揸既，但當你做代表落場去踢，先發現其實係好攰好難踢，尤其係球證旁證主辦所有單位都係對家既人。
梁耀忠係柒，佢柒在臨陣逃走，唔適合做呢個年代既抗爭議員。無做梁君彥大茶飯唔係梁耀忠一個人既責任，早一日無人唸到要dq梁君彥，係成個泛民陣營加自決加青政加鄭松泰都有責任，要有人提出組織再執行。
另，涂做主席政權建制幾核突都必然推翻同推翻到呢個決定，涂謹申既鑑誓都係會當無效，青政都係會唔比宣誓，今日事情都係會發生，遲早問題。
革命就是義務，點革？邊個革？我記得梁天琦答過「未唸到」，你地都唔好再自欺欺人。狠唔起之時，就要蓄民氣。
至於辱華，中國人隨地大小便，去日本偷酒店廁板，中國做的會爆炸，毒奶粉，黑心食品，已經夠辱華，講支那令人聯想日本侵華入到你係你理虧，講永不效忠屠殺人民既政府入你唔到因為佢理虧。就係甘。
香港政治新態轉變極快，學聯被追捧過後就被退聯。我唔知佢地係會被離棄定係假以時日成大器，希望青政痛定思痛，青政支持者亦請做下實事去實踐同推進你地既大業，唔好流於網上齋插。