作者：溫斯頓 S.
仲記得元旦遊行嘅時侯民陣佈稱有十二萬人上街爭取自由，但係根據統計只有六萬多嘅人走上去網上投票。點解會相差咁遠？原因就當然有好多啦……不過呢，最大嘅矛盾在於一樣好重要嘅元素，筆者係呢到用一個詞嚟形容—Generation gap。
香港社會係咪好少人講政治呢或者唔關心政治呢？其實都唔係嘅，好多人的確係政治冷感，但係亦好多人都喺網上鬧爆政府或者一班建制派。網上媒體嘅興起就證明咗多咗人去留意香港政治。
但係……我諗呢次少數嘅投票數字證實咗投票online嘅隱憂。畢竟網上媒體嘅觀眾好多都係年紀比較輕嘅一輩，大家會用好多時間係唔同嘅社交或者娛樂網站。但係社會嘅其他階層呢？筆者我唔系話其他年齡層唔上網或者唔識上網，而係說明習慣上嘅分歧。係年輕一輩嘅意識入面，要知道網上世界比現實世界更現實，所以我哋嘅生活方式大多數會同網絡世界有好大嘅聯繫。但係對於年紀稍為大的人，佢哋唔系話唔投入，而係意識層面上唔習慣下下都上網做晒所有嘢。
好似呢次嘅元旦投票咁，我哋就發現當投票機制嘗試網絡化嘅時候，又會適合幾多人呢？如果呢個機制淨係適合年輕化嘅階層，卻吸引唔到其他階層，到最後好大可能亦是徒勞無功。要知道推動民主社會係大眾化一齊去做，今次所謂數量少的一次投票可以話係同一班民主人士講清楚，online化並不太適合於香港現今嘅民主概況。