欽點搏擊大賽三位鬥士第一次同場亮劍，耀武揚威...
冇鬍官：「我乜嘢絕招都識！外面嗰道831大閘我一下就劈冧佢！再用22、24同27條神鞭制住嗰23條毒蟲！論武功，冇人比我『冇鬍官』更厲害！！」
評論員：「睇嚟冇鬍官胡塗到以為真係『自由』搏擊喎，佢應該冇乜希望嘅嘞……」
薯片客：「我都識好多絕招，不過我會友善咁運用。831大閘我一定會用力去『摮』吓佢，嗰23條毒蟲我都好有信心可以好好地養熟佢哋㗎！」
評論員：「嗱，呢啲先至係正宗嘅講人自講、標準嘅太極基本……」
月女劍：「我唔識乜嘢絕招，亦唔係乜嘢專家，不過勝在有『中央力場』神功護體，根本唔會輸！哈哈哈！ 831大閘落咗就梗唔會再開番嘅啦，大家將嗰23條幻想成彩虹就唔會再覺得可怕。露住咁多先！！」
評論員：「嘩！不愧為『中原欽點』『目中無人』月女劍！但係使出『中央力場』比賽就難免變得沉悶，月女俠會唔會考慮露多啲破綻等觀眾睇得開心啲呢？」
（刊於《立場新聞》、作者Facebook）