又一篇短文，昨天立法會的大亂鬥和萬千土共圍立會加講場制憲事件，筆者只有一個問題，撐青年新政......啲乜？
和幾個答案：
一、撐青年新政所提倡的港獨？Sorry，佢哋連講獨也談不上，佢哋要自決。記住，自決不等於港獨，筆者前文寫過好幾次，而青年新政從來冇正式提倡過要帶領香港獨立的。筆者認同智者所言，香港一直都已經有實然主權，只需要修憲，獨立對香港有甚麼好處呢？
二、撐青年新政用「支那」和「we xxxxing off」去羞辱別国人民？傻的嗎？筆者心中有少許仁愛和惻隱之心，我找不到原因為何要羞辱別国人民。
三、撐青年新政在議事堂講客觀事實「Hong Kong is NOT China」嗎？「Hong Kong is NOT China」同講「The Sun is NOT the Moon」有乜別？如果有人返工第一日同老細簽合約嗰時大叫「The Sun is NOT the Moon」，我作為同事會同老細講呢條友係咪傻㗎？使唔使介紹佢睇精神科醫生呀？公司肯唔肯幫佢俾藥費呀？
四、撐青年新政在議事堂中的言論自由以致香港的司法獨立不致受損(行政干預要司法覆核有關再次宣誓的事件)？OK，呢點有得傾，咁就要計吓成本，計吓撐呢件事有啲乜成本應該要投入呢？
同政府死過？上街？瞓街？舉交叉手？上面四樣嘢，唯一有價值的就是第四點，但是如果而家又去同政府死過、上街、瞓街、etc，客觀的情況是四件事情捆綁式的要去撐，要撐埋一啲自己唔撐嘅嘢。筆者計算過後，今次撐第四點的方法是，寄語兩位無限祝福、以及交給我們投票出來的議員們去做吧！議員們，泰辛苦你了！