有時有Ｄ野，真係惡就得。
琴晚去家訪，去左一個好特別既屋企，探訪一個好特別既家庭。是咁的，有一日有個我識左好耐既細路走黎同我講，佢覺得好無助，問我可唔可以幫到佢。我問佢你咩事覺得無助？係咪比人蝦？點樣比人蝦？佢話屋企有好多人，一時唔知點講，去到佢屋企就會明。於是我過兩日去左個細路屋企，佢屋企真係有好多人，有呀爺呀麻﹑老豆老母﹑二叔二嬸﹑三叔三嬸﹑細姑姐大姑姐。淨係親堂表兄弟姊妹都有成九個。不過佢屋企好大，因為呀爸果代勤力，搵到錢，買左間好大好靚既屋。入到廳，細路開始對住掛係牆上面既相介紹佢Ｄ屋企人比我識。
呀爺係大陸人，自己大陸有頭家，呀麻係二奶，所以成日都唔會係屋企。但佢人雖然成日唔出現但又好鐘意理家事，點解咁講？因為呀爸果陣同爺爺夾好在，屋企既野爸爸同兩個呀叔三兄弟自己管番。但話唔理話唔理，又成日插手插腳。
呀麻都係大陸人，都係住偽大陸，不過佢成日呢起自己間房，我記得呀麻細個好錫我地，不過呀爺成日都唔比呀麻落黎見我地，屋企發生Ｄ咩佢都唔會知，有次麻麻偷偷落稷見我地，之後比爺爺發現在，之後就再冇見過麻麻喇。
我老豆係屋企話事果個，佢話鍾意行民主，所有有Ｄ咩事都會搵埋兩個呀叔傾，傾唔掂就舉手投票。但就好聽爺爺話，有時我知老豆做野都會偷偷地問爺爺既意見。
二叔好衰，成日幫老豆，因為老豆有好多野會益佢，佢都唔會好逆我老豆意。
三叔細個都有諗過痴埋老豆二叔度，但後尾都係唔同佢地玩，因為佢成日蝦我ｄ細路妹，有次最大果個表弟唔讀書又唔出去做野，就咩都唔比佢，淨係比最基本既食物同水佢，吊住佢條命，有時佢一時想發圍做下野，根本冇力。三叔就會得閒幫下細表弟，但二叔同老豆會唔鍾意，所以都唔係好理三叔。
大姑姐係律師，由細到大佢都係自己一個做野﹑搵錢，唔會同佢地三兄分有瓜葛，對我地都係好一視同仁，有錯就會罰我地，從來無偏私，所以我地都好驚佢。
細姑姐係最搞笑，佢最憎屋企人做ｄ唔公平既野，例如二叔會比好多禮物細表弟同細表佬妹，哈佢地唔識野，搞到佢地都好鍾意二叔。佢兩個又係唔生性，有好多都會比二叔tum到！但如果比二姑姐知，佢就會發脾氣，搞到全家都永無寧日，所以二叔佢地好怕我細姑姐！有Ｄ咩做左都盡量唔比細姑姐知！
咁我問，我知道你屋企個狀況喇，咁你有咩事覺得無奈呢？
個細路話，前幾日我想係屋企前面個花園度起多一間屋，等遲Ｄ比我兩個堂弟妹住，因為佢地由細到大都係一齊住，但佢兩個越黎越大，遲早一日會唔夠位同唔方便，而我自己亦想佢兩個成日冇人理，所以想屋企請多個姐姐睇住佢兩個，但因為我冇錢，所以想用屋企ｄ錢請。
我問，之後呢？
佢話fail左，二叔一聽就唔肯，三叔話ｏｋ，老豆就諗多兩諗，問下佢最錫既仔，姐係我唔哥。
點解最錫既？
因為佢自己開公司搵好多錢，平時比家用又最多。
跟住點呀？
呀哥話比得一個就會有第二個照板煮碗，到時前面個花園就會冇晒位，想開party請人番黎招待都失禮，所以唔肯。
但個決定都係老豆度，咁你唔說服你老豆？
佢話要民主，要投票，唔會偏幫自己個仔，咁我吹佢地唔脹。
咁點解你地ｄ細路妹唔投？
冇得投呀，因為要改，就要佢地三個有兩個肯點頭先得。
其實好多人都鍾意三叔，因為三叔真係為左我地。
但老豆好幫大呀哥，兩個細表弟又好鍾意二叔，因為佢地成日都有小禮物
咁就算我地四個想都冇用啦。
咁仲有兩個細佬妹呢？我問
佢兩個？佢地掛住打機咩家事都唔會理架，日日番黎就走入房自己做自己野，有次想叫埋佢地一齊幫手入房說服下爸爸同二叔，佢話唔好煩佢左住佢…
唉
大姑姐又唔理
細姑姐又睇唔到
呀麻又乜都唔知
唉…
好啦，咁我試下幫你啦。
最後，我直接入房搵細路個老豆傾
佢一句勁惡咁掟埋黎
「人地家事，關你Ｑ事咩？」
最後…
我只好同細路講：
我呢Ｄ外部既人，幫你唔到喇，你自己執生啦。
(圖片來源: 立場新聞)