你嘅性愛fantasy係咩？有d人會想同唔同的人做，有d人會係不同嘅地方做愛 。諗下已經覺得自己好壞啦， 但其實係香港，係有人可以坦誠咁面對自己嘅需要，同時又用一個好安全嘅方法玩。
有樣嘢，就叫做Safe Sex Party。今期想介紹比大家識咩係Safe Sex Party， 唔係要你認同， 唔係要你接受，但，聽下故仔， 八掛下都得掛。到底，依樣嘢係咪咁壞？
糖:「點解會想搞sex party？」
Chris:「其實我係有MISSION的，我哋CLUB同其他搞SEX PARTY嘅CLUB好唔同，係個方針唔同，我哋唔係第一個搞SEX PARTY嘅人，其他SEX PARTY我都去過，佢哋真係為賺錢嘅，但我哋唔係。我就係好想比D人試下一D佢哋可能依一世都冇機會試嘅嘢，我覺得係幾有成功感。因為想D人可以ENJOY依樣嘢，同玩得開心。有D人一生人一世都冇咁嘅機會，但佢哋又想。我覺得有MISSION係唔同D。愈做會愈發覺， 香港社會真係好需要（呢樣野），因為係香港依個地方好多人係SEX依方面係唔滿足，依到係一個假開放，真保守嘅地方。其實可以搞個咁嘅CLUB，又照顧到佢哋需要，都幾開心。」
Chris:「你想象中嘅sex party係點伽先？」
糖:「好多人， 唔著衫，有好多張床，之後同一時間好多人係到一齊搞，可能會係好多P。好似會有個D DISCO嘅燈，好迷幻咁。又可能會有D表演咁。」
Chris:「其實唔係囉， 我哋首先一定會著衫先。同埋咩人就搞咩PARTY啦，我哋好多都係一對一嘅，好少會有多P嘅情況出現，除非佢哋真係自己想。所以我成日都話我哋係SEX PARTY嘅BB班。同埋我哋會有一定嘅燈光，你一定要見到個個人咩樣先啦，同埋要睇到點戴套，因為套係好易反轉戴伽嘛， 愈薄係愈易戴錯伽! 你哋諗個D只係係AV會出現， 因為要有個MOOD先會想搞!」
糖:「佢哋可以唔搞伽咩？」
Chris:「我唔想d人覺得我哋係大雜燴，會多一D私人空間、有多D房，唔會受其他人影響。 嘩，你諗下你做緊，有其他人係到望著你，都唔會慣啦，會失準伽嘛。另外都好注重播音樂， 因為音樂又好帶動到情緒，好多時都唔會係快歌，但係係慢歌，同埋可以蓋過D人嘅聲呀嘛。其實我哋係safe sex party，咩係PARTY？即係各色其式， 鍾意嚟飲嘢咪飲嘢囉，傾計咪傾計，只係我哋個PARTY係會再深入D，同埋唔會一嚟就入房搞嘢。對於依樣嘢，其實我哋參加者都係比較慢熱D，會傾下計呀，睇下啱唔啱FEEL先。」
糖:「但係嚟親嘅人唔係都係為咗SEX先嚟伽咩？」
Chris:「唔係伽! 唔會話嚟咗就一定要搞，每個嚟玩嘅人都會有手帶，分三種：紅色係唔可以掂伽，淨係嚟吹水；綠色係可以一對一；橙色，可以錫同有身體接觸，但唔可以性交。去唔一定要有性行為嘅。」
糖:「咁你哋又有幾safe先？」
Chris:「有咩人搞嘅SEX PARTY就會吸引到D咩人去。我嘅做法同其他CLUB唔同。但其實一開始唔係咁嘅，都係做落見到有咩需要慢慢改。例如開咗冇耐就開始禁煙，因為係到食煙真係好討厭，咁已經就有一堆人唔嚟。之後又規定要驗血，我哋又會強制用套，女性規定要做抹片檢查。到場後，仲會先沖涼，之後要驗性器官伽! 想睇下有冇異味、損傷、紅腫或者增生物。之前都真係試過截著咗D人，所以我覺得依個步驟係好難。由於我唔係真係為咗賺錢，希望安全至上。雖然咁會冇咗一班人嚟，但我覺得應該要咁做。其實物以類聚，咩人搞嘅SEX CLUB就會有咩人去啦。好似我哋個ONLINE FORUM咁，雖然係一個SEX PARTY嘅FORUM，但D人係好文雅，好NICE嘅，係唔會有粗口個D，甚至D文章好有意境嘅。」
Chris:「我成日都話我哋係安全過你屋企做伽，講真，男女朋友做個時，肯沖涼先都算係咁啦，我哋依到真係洗得好仔細伽! 嗱! 你哋平時係屋企點洗伽先？」
糖:「… 呀…」
Chris:「哈哈，你哋唔洗宜家答我嘅，男仔其他會易D，有D割咗包皮會易洗D，如果唔係咪反出嚟洗。但女士呢，啱啱嚟個D呢，好多都係唔識翻開大小陰唇嚟洗，入便真係藏咗好多… (面有難色 XDDD) 如果我唔係做BODY CHECK依個步驟，哈哈，受惠嘅就係D男士。」
Chris:「依個係生理上嘅SAFE，同埋我哋唔會令到佢哋嘅身份都SAFE。要嚟玩一定要揀個網名，唔可以用真名，亦都唔可以私聊。其實另一方面都唔想佢哋私下發展。我成日都覺得勿忘初衷嘛，要記得自己為咩嚟，清清楚楚。我會覺得SEX PARTY係甜品，只係甜品，唔係主菜，千祈唔好將SEX PARTY成為主菜。我諗你都未見過有人開賭嘅，會叫人唔好賭咁多，落細細注就好。我係會主動了解一D成日嚟嘅人，睇下佢哋點，我會覺得個CLUB咁樣健康D。」
糖:「依D咁嘅SEX PARTY一定好多男仔參加啦!」
Chris:「其實我哋有個好得意嘅現象over average 嘅女性其實比男性多，甚至有D女士嚟到，你係會覺得，嘩..咁靚嘅。 但係好嘅男仔就真係好難，我哋會有5個評核準則嘅，身高、樣貌、身形、技巧同風度。」
糖:「其實有齊嘅男仔都唔愁有伴，落一落CLUB都搵到，反而女仔就好少去玩，始終過唔到自己個關。而你哋又咁安全，反而係女仔著重啲嘅嘢。」
Chris:「其實因為我哋程序好繁複嘅，又要驗血又要做TEST，又要檢查，如果佢唔係好重視安全依一環都未必嚟，比較錫身，但我自己個人本身唔喜歡光顧性工作者同ONE NIGHT STAND或者用APP，唔係話依件事有問題，而係我個人唔鍾意姐。因為始終唔安全嘛。例如係光顧性工作者，做完之後個人冇咩成長，首先你未必同佢咁多溝通先，同埋佢好似點都會讚你做得好咁，未必可以改善到技巧。另外就係有D會上網搵SP，但都係好唔安全，我哋有D會員分享過有人比人呃又有，比人偷嘢又有，其實好多情況發生。有D女士條件真係好好，嚟玩發現佢仲係處女，其實遇唔到就係遇唔到。」
糖:「其實你哋咁重視QUALITY，會唔會令到有好多人冇得玩？」
Chris:「其實咁嘅原因係因為佢哋嚟到可能真係唔會有SEX，一兩次冇SEX都話OK，但如果次次都係咁，得唔到自己想要嘅嘢，個個人就會唔開心，對個個人都未必好，我做搞手都覺得唔好意思。因為即使係SEX PARTY，都唔會包有SEX，CONSENT係好重要，我哋都唔會話嚟得就一定要做，如果個日唔想或者係冇人啱FEEL都可以SAY NO。我都見到依個情況，但又希望可以多D人參加到，所以宜家分咗兩個組咁去玩，一個組會寬鬆D。」
Chris:「你哋又會想搞依個網站嘅？」
糖:「會伽，咁多嘢D人都唔識嘛，又亂咁學，同埋我哋想用個性是自然的嘅手法去講，等大家睇依件事睇得正面啲。」
Chris:「係伽! 我會覺得你哋嘅存在係好有需要嘅，但你哋可能係理論性嘅，開解嘅形成，但我哋係實戰嘅，好多嘢冇人教真係唔識伽!!我哋不時都有D處男處女嚟，可能佢哋都想實戰咁體驗下，但冇一個安全機會去處理依個情緒、需要。初頭真係咩都唔識伽。我哋試過真係有人做緊嘅時候，個女士覺得奇奇怪怪咁，佢問個男仔覺得點，之後個男仔話冇咩感覺，只係下面個到痕痕地，之後發現個男仔都冇入到去，只係係個大比之間磨。又有試過有D男士其實係唔識陏，唔知點解成身都好忙嘅，亂咁陏，但條腰冇陏，咁我哋咪教佢囉，同佢講返唔係咁樣嘅，教佢點陏，之後宜家就變咗好受歡迎，改變咗佢。」
糖:「嘩，其實你哋咁多經驗，都可以開班教吓人呀!」
Chris:「唉，處男處女就易教姐，但好多時D大男人就好難教。好似你哋咁，要幫D少男少女解決問題其實好易，但如果係成年人，結埋婚，佢哋嘅問題就好難解決。因此未必肯承認自己問題，尤其是男士比較難去接受自己嘅問題，即使有人指出佢嘅問題，佢都會覺得不嬲都係咁，唔去諗個問題，覺得自己唔洗去學，咁先係最大問題。唔知係咪華人社會嗁問題，但男人唔係咁接受其他人係依一方面，其他人嘅意見。」
糖:「咁你身邊有冇人知道咗你做依樣嘢之後又D負面嘅反應？」
Chris:「其實又冇喎，咁當然我唔同周圍同人講人或者係去叫人去玩呀咁，因為都想依件事同自己私人生活分開睇咁。通常D人知道咗都會問，點解你想做呀，想了解下咁。咁我咪同佢哋講囉，講完之後佢哋會覺得都係呀，都啱嘅咁囉，所以都冇咩嘢。」
糖:「咁你之後係咪會做落去呢？」
Chris:「唔係伽，我唔想伽。我成日都想睇下有冇人可以接咗佢，因為真係好辛苦，好多嘢做，例如日常運作呀，搞活動呀咁。同埋其實係好孤獨嘅工作。」
糖:「孤獨？個種孤獨係點伽呢？」
Chris:「係好多嘢都唔可以同人SHARE，因為都涉及到私隱嘅嘢，有好多嘢都要靠自己決定，同埋有咩事都係要預咗自己頂。好似08年我哋試過有警察查，要搵呀SIR。其實我都幾危險伽，D人又會好驚身份暴露，但我係低調得嚟又高調，從來都冇CLUB嘅負責人會出嚟做訪問。我做訪問嘅原因其實真係想比多D人知道係件咩嘅一回事，比人知道我哋做嘅係比一般人係屋企做嘅性行為係更加安全，明白我哋背後理念。」