20150105學聯常務秘書鍾耀華 商台在晴朗的一天出發電話訪問
0800-0830
問: 早晨鍾耀華。
鍾耀華: 係，早晨。
問: 情況是怎樣?
鍾耀華: 冇呀，其實嗰個狀況就係，我去到台灣嗰邊啦…
問: 你何時去?
鍾耀華: 我十二月尾度啦。咁就去到機場，其實都唔係第一次架啦，我之前去台灣，中華航空都會有時因為客流問題調派去國泰嘅，一直調去國泰，中間嗰啲check in呀，行李寄存，全部統統都冇問題。但係去到登機閘口嘅時候呢，佢有barcode俾你掃完就登機吖嘛。咁去到嗰度嘅時候呢就突然發覺unable to board，冇辦法登機。咁然之後佢就叫我去隔離等一等咁樣。咁就致電，其實都應該係航空公司嘅職員嚟嘅，咁就問乜嘢原因咁樣。咁期間呢我就聽到，blacklist兩個字。咁跟住後尾…
問: 呢個係員工之間嘅對話嚟?
鍾耀華: 即係佢對住電話，對住電話咁樣講。
問: 佢係講英文定係講普通話?
鍾耀華: 講普通話嘅，喺台灣嗰邊。
問: 黑名單這樣?
鍾耀華: 唔係，佢真係用blacklist兩個字。
問: Blacklist兩個字。
鍾耀華: 係呀，我一聽到都好錯愕。Blacklist，唔係呀嘛? 我無啦啦點會做咗blacklist呢，咁樣。
問: 你冇理由會錯愕… 你係學聯嘅常務秘書。
鍾耀華: 雖然係參加咗個咁大型嘅社會運動，但係我唔覺得我返香港嘅時候呢，係會喺一個blacklist嘅名單裡面。
問: 因為你係返嚟香港。
鍾耀華: 係呀我係返嚟香港。
問: 有否心裡一沉?
鍾耀華: 我又冇咁諗過，當時我係覺得好錯愕。返嚟香港都會有blacklist，你話我返大陸就話有咁嘅心理準備。然之後我等佢一路繼續傾啦咁樣，當中佢又，我又聽到個員工喺個電話度講話，講普通話話，咁樣做嘅話，我哋唔會有問題咩，咁樣。跟住佢見到我聽到，佢就細聲講嘅。後尾佢就[手禁]吓[手禁]吓電腦呢，就彈咗個屏幕仔，一個視窗，咁就有個override呢個選項嘅。跟住佢又問電話裡面(嘅人)，有override呢個字，應該點樣做呢? 跟住我就聽唔到。然之後佢收咗線就同我講，可以登機嘞。咁我冇理由就咁登機喎，我聽到blacklist我都覺得奇怪，咁我問佢，係咩一回事呢，咁佢答我，可能系統出現問題啦咁樣，但係(聽不清楚)指示嘅，你可以登機啦。咁我咪追問囉，喂咩資料呀，顯示我咩資料嚟架，個職員都有啲奇怪呀，佢面上面，好似佢自己都好困惑，唔係好明點解咁樣話，我都唔知呀，呢個係政府嘅資料，唔清楚咁樣。咁政府嘅資料，我心諗，應該唔會係台灣嗰邊嘅資料呀，咁我咪問，係咪香港政府嘅資料，佢竟然答我“係”。
問: 這個會否真的是系統出現的是入境與出境的blacklist調轉了?
鍾耀華: 係呀，所以我都唔敢講實。
問: 跟著呢? 你上機了?
鍾耀華: 係呀，因為嗰時登機，飛機就嚟飛啦，都冇辦法唔上(機)。
問: 下機時有否嘗試問入境處?
鍾耀華: 我嗰時又冇咁樣做，因為我冇瞓覺，冇乜精神，上機已經恰著。
問: 上飛機那刻才出事?
鍾耀華: 係呀，係呀。
問: 而資料是在國泰入閘口彈出來?
鍾耀華: 係呀，係呀，冇錯。
問: 會否跟上次有關? 記錄留在國泰記錄內?
鍾耀華: 我唔敢咁樣講實，但我相信黑名單，即係blacklist，佢又來回咁樣，有埋override呢個字，最後俾我上(機)，我覺得有黑名單應該係真嘅。咁但係，個名單係咪上次上北京嗰次出錯呢，都有咁嘅機會。我覺得，如果好認真嘅blacklist嘅話，冇理由咁容易就俾我上翻機架嘛。我都覺得可能有咁嘅可能性喺度。
問: 你會否正式向入境處求助?
鍾耀華: 呢個仲考慮緊，因為經過咗個咁嘅運動之後呢，其實都對局方會點樣處理係有好大嘅疑問嘅，所以都會認真諗一諗。
問: 局方有冇黑名單，其實我們要跟進。其實你冇被檢控過?
鍾耀華: 我未被檢控。
問: 你也不是在保釋期中?
鍾耀華: 我係保釋期入面。
問: 你在保釋期內，但沒限制離境需要匯報。
鍾耀華: 冇，冇。
問: 學聯內有沒有類似情況?
鍾耀華: 出唔到境…
問: 返唔到大陸。
鍾耀華: 返唔到大陸就，應該唔止學聯，都好多唔同嘅人，其實就算係唔係學聯呢，只要參與過呢個運動呢，多多少少都有呢啲案例係冇辦法返到大陸。
問: 呢個都可以理解。
鍾耀華: 咁但係去其他地方就冇問題，同埋返嚟嘅時候似乎都未有，即係我啱啱呢個狀況，暫時冇。
問: 咁你去台灣玩定勾結外部勢力呀?
鍾耀華: 咁即係完咗個運動之後，要休整一下自己嘅想法，去台灣度玩吓嘅。
問: 唔該哂。
鍾耀華: 唔該哂。
圖源: 學聯facebook