題為編輯所擬，《蘋果日報》報導見此。
唔上FB由自可，一上就要克制自己唔好因為太多sexist的評語而上頭。
但又是忍唔到。呢度講小小一件。
話說蘋果李八方摷資料認得擒之鋒春袋的警察曾經係劉公子男寵俾佢影過赤裸上身照，網友的留言是「啊咁明晒啦」、「唔怪得之」、「差佬咁多變態」。其實當然，呢度係無直接對男男情慾主體甚至男同志既直接歧視，但亦隱含左一種「男同志/男男情慾主體變態傾向」、「男同志/男男情慾主體比異性戀男更有理由或更大機會作出有性侵犯」的潛在邏輯和歧視性刻板印象。
簡單啲講，點解一個有男男情慾的人／男同志就有更大機會對男性作出性侵犯？你可以睇下星爺既《逃學威龍》唔知邊一集裡面，就有直男對直男擒下陰，名為「炒芥蘭」的情節，文本上沒有性變態的意思，反而是一種抵死頑皮的惡作劇。
其實再簡單啲講，如果呢個男警被發現原來有睇AV（男女），大家會唔會有相同既評語？我諗未必。惡警擒人春袋唔係因為佢疑似有男男情慾，而係佢品德／專業操守有問題。嘲笑差佬時唔好殃及性小眾。