期待已久的單車發電機終於面世，趁著下班潮來之前，我興奮的踩著其中一部，把個人熱能化為貢獻自修室照明的電能，一舉多得！
過了約十分鐘，我見到一名女生坐上我右方，另一部單車發電機，她開始踩的時候，看到單車駁出去的能量輸出沒有顯示，便有點擔心的問她所踩的能量會否不能儲成電力，該女生耐心的解釋早上有位工作人員哥哥解釋過我們兩部單車都駁在同一個輸出器上，所以不用擔心。我留意到她像中學生，卻穿著便服，原來當天她請病假來罷課了，家人都不知道！
「我都係928果日開始黎架，係我姨媽偷偷地帶我黎既，因為我屋企人大部份都係反對佔中既，所以我媽咪一路都唔知。」
筆者想起當自己未夠18歲，關心的只有自己暗戀的同學，而她追的卻是Alexter…
「其實除左追Alexter之外，一定要睇各類媒體先分析到，同埋你一定要黎現場先更清楚成個畫面；之前學聯上京我就好驚，我覺得佢(中央)而家既勢力係龐大到自己想做咩就做咩，果下我就會擔心佢地既安危，得返岑敖暉一個响度，怎麼辦？怎麼辦？Alexter係一體架嘛！」
上一輩多認為年青人參加社運都是「柴娃娃」、被煽動的；但事實上，走到今天仍在堅持的，肯定是有獨立思考的一群。
「當我真係留意既時候係劉進圖俾人斬，咁開始留意多啲新聞，越Like越多page啦；有好多問題令我對社會發生緊咩事會開始更加留意，同埋有啲咩我係可以參與到。」
筆者個人支持運動，每當看到親中媒體報導不實消息會很氣憤而罷看，她卻看得津津有味。
「唔睇文X報會執輸囉，可能我睇開X毛再加埋文X報，我覺得好好笑囉，尤其X毛成日話自己親中共架，「你咁樣反抗阿爺？」佢反語諷刺果種手法，你會覺得可以理解到時事，又可以笑爆咀，我覺得幾好呀！」
當然，通識科也成功造就眼前不平凡的少女：
「我覺得政府做得最啱既就係開左通識科囉，佢要取消既話，我會同佢死過囉。」
這位在遮打單車發電機上遇見的少女，在接受訪問後便每天與同伴在遮打自修室一同訪問及整理訪問資料，開展了「藉著雨傘說故事」這網絡平台。